Bugun, 12-mart kuni Andijon davlat universitetida O'zbekiston Respublikasi Fanlar akademiyasi Botanika instituti direktori, biologiya fanlari doktori, akademik Tojibayev Komiljon Sharobitdinovich ishtirokida “Akademik va yoshlar” uchrashuvi o'tkazildi.

Uchrashuvda dastlab akademik faoliyati davomida erishgan yutuqlari, ilmiy tadqiqotlari va chop etilgan ko'plab ilmiy kitoblari haqida ma'lumotlasr berib, o'zining keng ko'lamli tajribasi bilan o'rtoqlashdi va “Oʻzbekiston florasi loyihasi — Oʻrta Osiyoda oʻsimliklar xilma-xilligini oʻrganishdagi tadqiqotlarning yangi bosqichi sifatida” mavzusida ma'ruza so'zladi. 

Shundan so'ng, o‘simliklar dunyosi bioxilma-xilligini saqlab qolishning dolzarb muammolari va botanik tadqiqotlarni olib borishning zamonaviy uslublariga oid yangi ma’lumotlar bilan ilmiy tadqiqotchilar, doktorantlar, magistrantlar hamda Ekologiya va botanika kafedrasi qoshidagi “Biosfera” ilmiy to‘garak a’zolarini tanishtirib o'tdi.

Uchrashuv so'nggida seminar hamda uchrashuvda faol ishtirok etgan iqtidorli talaba-yoshlar akademik Komiljon Tojibayev tomonidan sertifikat va esdalik sovg'alari bilan taqdirlandi.