Bugun, 27-yanvar kuni Andijon davlat universitetining kichik majlislar zalida O'quv ishlari bo'yicha prorektor Rustamjon Mullajonov boshchiligida fakultet dekanlari va kafedra mudirlari ishtirokida ta'lim sifatini oshirishga qaratilgan yig'ilish bo'lib o'tdi.

Yig'ilish avvalida, fakultet hamda kafedralarda ishchi guruh tomonidan aniqlangan kamchiliklar tahlil qilinib, dars jarayonlarini samarali tashkil etish, oʻquv-uslubiy taʼminotni takomillashtirish, pedagog xodimlar salohiyatini yanada oshirish xususida fikr yuritildi.

Shuningdek, prorektor ta'lim yo'nalishlarini isloh qilish, yangi dastur va o'quv rejalarini kasbiy kompetentsiya talablariga muvofiqlashtirgan holda amalga oshirish va o'quv jarayonlarini tashkil etish yuzasidan tegishli ko'rsatmalar berdi hamda oliygohda ta'lim sifatini yuqori darajaga ko'tarish bo'yicha istiqboldagi rejalar belgilanib olindi.