Bugun, 25-yanvar kuni Andijon davlat universitetida "Axborot xavfsizligi" oyligi doirasida Viloyat prokuraturasi boʻlim boshligʻi Mansurbek Xoldarov boshchiligida Tarix hamda Ijtimoiy-iqtisodiyot fakultetlarining sirtqi ta'limida tahsil oluvchi talabalar ishtirokida uchrashuv bo'lib o'tdi.

Uchrashuvni Yoshlar masalalari va ma'naviy-ma'rifiy ishlar bo'yicha prorektor X.Xodjamberdiyev ochib berdi. Shundan so'ng, Viloyat prokuratura xodimi ta'lim sohasidagi tub islohotlar, yoshlarga yaratilayotgan imkoniyat va imtiyozlar haqida o'z fikrlarini bildirdi.

Uchrashuv davomida yoshlarning huquqiy savodxonligini oshirish va ular o'rtasida jinoyatchilikni oldini olish borasidagi chora-tadbirlar, shuningdek, "O'zbekiston Respublikasining Jinoyat, Jinoyat-protsessual kodekslariga hamda O'zbekiston Respublikasining Ma'muriy javobgarlik to'g'risidagi o'zgartirish va qo'shimchalar kiritish haqida"gi qonunning mazmun-mohiyati haqida batafsil ma'lumotlar berildi.