Bugun, 5-dekabr kuni Andijon davlat universitetining kichik majlislar zalida universitet rektori Akramjon Yuldashev boshchiligida dekan, dekan o’rinbosarlari, tyutorlar bilan kengaytirilgan yig'ilish bo'lib o'tdi.

Tanqidiy va tahliliy ruhda o'tkazilgan mazkur yig'ilishda yoshlar bilan ishlash bo'yicha dekan o'rinbosarlari hamda tyutorlarning faoliyati davomida amalga oshirayotgan ishlari atroflicha muhokama qilindi. Bunda talabalar istiqomat qilayotgan talabalar turar joyi va ijara xonadonlari bilan muntazam tanishib borish, yashash sharoitlarini o'rganish alohida ta'kidlandi.

Shuningdek, yig'ilish davomida universitetimiz rektori kuz-qish mavsumiga tayyorgarlik jarayonlari doirasida ijara xonadonlarini o'rganish, qish mavsumini betalofat o'tkazish bo'yicha tegishli ko'rsatmalar berdi.

Uchrashuv so'nggida "Konstitutsiya haftaligi" doirasida ma'naviy-ma'rifiy tadbirlar, taqdimot ma'ruzalari, seminar va uchrashuvlarni tizimli ravishda olib borish, teatr-studiyalar va muzeylarga tashriflarni tashkil etish bo'yicha topshiriqlar berildi.