Bugun, 29-aprel kuni Innovatsion rivojlanish vaziri Ibrohim Abdurahmonov Andijon davlat universitetining chet tillar fakulteti qoshida tashkil etilgan Lug‘atshunoslik va tarjimashunoslik innovatsion markazi faoliyati bilan tanishdi.

Hozirda markaz tomonidan maktablar va maktabgacha ta’lim muassasalari uchun terminologik lug‘at tuzish uchun material to‘planib, ular qayta ishlanmoqda. 11 ta tilli yangi algoritmli lug‘at tuzish ishlari amalga oshirilmoqda.

Dunyo ilmidagi eng so‘nggi ma’lumotlarni o‘zbek tilida muntazam taqdim etish, yosh avlodni yangiliklardan xabardor etish maqsadida markazda xorijiy tillardagi ilmiy va badiiy adabiyotlari o‘zbek tiliga o‘girish bo‘yicha ishlar bajarilmoqda.

Innovatsion rivojlanish vazirligining grant mablag‘lari hisobiga hozirda markaz tomonidan Lug‘at va matn tarjimoni intellektual elektron platformasi yaratilmoqda.