Avval xabar berganimizdek, 8-mart “Xalqaro xotin-qizlar kuni” munosabati bilan Andijon davlat universitetining barcha talabalar turar joylarida yashovchi talaba-qizlar o’rtasida “Orasta qizlar” ko’rik-tanlovi o’tkazilib kelinmoqda.

Joriy yilning 5-mart kuni 2- va 3-sonli TTJlarda ham universitet xotin-qizlar kengashi tomonidan “Orasta qizlar” tanlovining yakuniy bosqichlari o’tkazildi.

Qizlarning aql-zakovati, pazandalik mahorati hamda mohir qo’llari sinovdan o’tkazilgan ushbu tanlov talaba-qizlarda katta qiziqish uyg’otdi. Har bir shartga yuqori tayyorgarlik va e’tibor bilan yondashgan qizlarimiz tanlov davomida o’z orastaligini namoyish etib, tomoshabinlar va ustozlarini e’tirofiga sazovor bo’ldilar.

Tanlov g’oliblari universitet xotin-qizlar kengashi hamda xodimlar va talabalar kasaba uyishmasining deiplom va esdalik sovg’alari bilan taqdirlandilar.