O‘zbekiston Respublikasi Prezidentining “O‘zbekiston Respublikasi Qurolli kuchlari safida muddatli harbiy xizmatni o‘tayotgan harbiy xizmatchilarga beriladigan imtiyozlar tizimini yanada takomillashtirish chora-tadbirlari to‘g‘risida”gi PQ-213-sonli qaroriga muvofiq muddatli harbiy xizmatni o‘tab, to‘lov-kontrakt asosida o‘qishga qabul qilingan, o‘qish davrida O‘zbekiston yoshlar ittifoqi faoliyatida faol ishtirok etayotgan talablarni kontrakt summasining 35 foizini to‘lov tariqasida moddiy yordam ko‘rsatish belgilangan edi.

Bugun, 24-fevral kuni Andijon davlat universitetida 2020-2021 o‘quv yili uchun tavsiyaga talabgor talabalar o‘rtasida test sinovlari o’tkazildi.

Universitetimizda bu yil ushbu tavsiya uchun 220 nafar talabgor hujjatlarini topshirdi.

Test jarayonlari 2 smenada tashkil etildi. Test sinovlarini adolatli va  shaffof o’tishini ta’minlash maqsadida O‘zbekiston yoshlar ittifoqi Andijon viloyat Kengashi bo’lim boshliqlari Nozimjon Pozilov, Baxtiyor Norqobilov, Akmal Tangriqulovlar nazorat olib bordi.