Bugun, 20-fevral kuni Asaka tumani Fayzobod qishlogʻida joylashgan, tuman XTBga qarashli 6-umumiy oʻrta taʼlim maktabida filologiya fanlari doktori, professor, “Antik dunyo” akademiyasi akademigi Sotiboldi Raximovich Rahimov xotirasiga bagʻishlangan viloyat o'quvchilari o'rtasida fan olimpiadasi oʻtkazildi.

Viloyat XTB tomonidan tashkil etilgan tadbirda 200 dan ortiq oʻquvchilar, tumanlardan tashrif buyurgan yetakchi oʻqituvchilar va Andijon davlat universiteti chet tillar fakultetidan ustozning doʻstlari va doimo ustoz bilan birga yurgan shogirdlari ishtirok etdilar. Olimpiadaning ochilish marosimida ustozning oila aʼzolari bilan birga uning safdoshlar va shogirdlari ham qatnashdilar.

Chet tillari fakulteti fransuz tili va adabiyoti kafedrasi dotsenti, filologiya fanlari nomzodi A. Mamadaliyev va Ingliz tili va adabiyoti kafedrasi mudiri, filologiya fanlari nomzodi, dotsent V. Vositovlar soʻzga chiqib, ustoz haqida iliq fikrlar bildirdilar. Tadbir soʻngida ustozning ruxlarini shod etdilar va Qur'on tilovot qildilar.